清酒喺香港愈來愈流行,唔少女生都愛上呢種獨特嘅日本酒!
Sake貴為日本國粹,酒精度平均只有 15%,非常適合搭配海鮮、壽司等日料。
清酒世界可謂千變萬化,想揀支啱心水嘅,就要學識睇Label喇!
今次Loco就同大家上一堂 【清酒速成班】
1. 咩係「精米步合」?
清酒係由米、水、米麴釀造而成,『精米步合』係指 製酒嘅糙米被研磨到 「剩下多少百分比」嘅意思。
例如:精米步合60%代表磨掉40%嘅米,剩下60%嘅意思
精米步合愈細,代表釀製過程中獲取到米最精華嘅部份,酒嘅味道都愈細緻。
最為人熟悉嘅純米大吟釀就係依精米步合來區分 #精米步合愈細支酒就愈貴
2. 想要濃定淡?
日本人做事絕對係有根有據,日本酒侍酒研究會品鑒超過20,000種清酒
依照香氣同風味嘅組合為清酒劃分左四個類別 :「薰酒」、「爽酒」、「醇酒」、「熟酒」
一秒Save低下面張圖,揀之前,停一停,望一望
3. 最佳賞味期限?
每支清酒樽身都有一個日期,呢個並唔是『賞味期限』
而係『製造日期』,值得留意呢個日期並唔係釀造年份,而係將酒裝入樽嘅日期
酒造會根據自身經驗決定清酒入樽時間,入樽個一刻就係酒造最希望顧客品嘗到嘅味道
所以清酒最好就係趁新鮮飲
一般香港市面上買到出廠日期4-6個月內為之新鮮
買咗之後都建議係一年內飲用,千祈唔好當紅酒咁擺,Sake係唔會愈擺愈醇
溫提:揀酒記得做個華麗轉身,睇睇個製造日期,如果擺咗一年以上嘅,就建議你擺返低喇!
4. 最緊要夠鮮!
清酒最大敵人係紫外線、高溫同空氣,香港又熱又潮濕嘅天氣,好容易令清酒二次發酵
耐咗仲有機會令清酒味道變質,儲存喺雪櫃就係避免二次發酵最有效嘅方法
坊間有唔少大型超市或連鎖店都會直接將清酒放喺室溫,揀之前真係要睇清楚
普通酒、本釀造、吟釀系 建議開樽後一個月內飲完
生酒 建議開樽後一星期內飲完
#小編表示最好係一開就飲曬
LocoMart同O2O大埔店嘅清酒全部都以雪櫃存放,送貨服務均採用冷凍送遞,
由日本空運到港,直接送到你手都處於低溫狀態,品質有保證
清酒入門選擇
咁多款清酒唔知買邊枝好?今次為大家推介 3款入門清酒
獺祭45純米大吟釀 (1.8l) 【 點擊購買🛒】
獺祭貴為第一個成功進軍國際嘅清酒品牌,提到清酒一定識獺祭
雖然獺祭產量龐大,都絕不影響產品嘅質素
呢支獺祭45純米大吟釀係獺祭系列嘅定番商品,人氣一定居高不下
每粒米僅取45% 來釀造,酒質純良,淡雅嘅米香中蘊藏著花果氣味
1.8l好適合未飲過Sake嘅初學者約埋曬一大班朋友,一齊淺嘗清酒風味
建議搭配料理:煎炒類、燒烤料理或天婦羅
梵 特撰 純米大吟釀 (720ml)【 點擊購買🛒】
「梵 特撰 純米大吟釀」係「梵」最具代表性嘅其中一款酒
味道清香淡麗,微甘口,爽口怡人
建議搭配料理:貝類、海鮮
出羽桜 雪女神 四割八分 純米大吟釀 (720ml)【 點擊購買🛒】
採用山形縣近年新貴雪女神釀造,米香獨特
口感柔順透明,果香、米味濃郁